“Rojên Wêjeya Berawirdî yên Amedê yên Sêyan” ku bi hevkarîya Weşanxaneya Lîsê û Navenda Hunera ya Amedê tê lidarxistin, her du yên pêşî, di salên 2013 û 2018’an de çêbûn û ya sêyem jî di mehên Îlon-Cotmeha 2020’î de hat lidarxistin. Wêjegeh Amed ku ji alî Weşanê Lîsê ve di Sibata 2019’an de hat avakirin, di sala 2020’de di nav hevkarên sazker de cî girt. Bernameya ku li ser kanala Youtubeyê ya Wêjegeh Amedê hat parvekirin, di serdemeke wisa de li dar ket ku li her derê dinyayê pandemî hebû û gelek çetin bû mirov pêşîya xwe bibîne. Bernameya Rojên Wêjeyê, ji gelek axaftin, gengeşî û gotûbêjan pêk hat ku ji pencereya wêjeyê li borîrojê difikirîn û diketin meraqa siberojê.
Temaya ku navê xwe da çalakîya destpêkirinê, wekî “Wêje û Siberoja Pêjnkar” hat dîyarkirin ji bo ku em bi hêza wêjeyê nêzikatîyekê bikin li ya dike ku em bi fikirîna bi hev re bala xwe bidin taswasên hevpar û wan hîs bikin. Ranêzikîyên li wêjeyê yên bi mijar û têgihên wekî berawirdên ku li ser wêjekarên hoste tên kirin, gotûbêjên ku bi zimanên kêm tên nimandin, rexneyên wêjeyî yên li ser zayenda civakî, eko honak, eko rexne û weşangerî û dîjîtalbûn, beşeke zêde ya naverokê pêk dianî. Di kargeha bi navê “Kargeha Nivîsa Afirîner ya Bajarê ku Tê Xeyalkirin” de ku di çarçoveya Rojên Wêjeyê de havînê çêbû, çîrokek derket pêş û di kargeha bi navê Fîlm-Helbest de jî vîdeoyên kurt hatin hilberandin ku naveroka bernameyê zengîntir kirin û kargeh lê difikire ku çar helbestên kurdî yên hevdem bike fîlm. Di axaftina dawîlêanînê de, mêvanê rûmetê yê Bernameya Rojên Wêjeya Berawirdî yên Amedê yên Sêyan, Bavê Nazê, li ser wêjeya xwe ya ku daye dû rastînî û heqîqetê axivî û bername bi dawî bû.

Rojên Wêjeya Berawirdî Yên Amedê Yên Sêyan Pirtûkçe