Navenda Hunerê a Amedê, di navbera 5’Rêbendanê-6’ê Reşemîya 2008’an de mazûvanîya pêşangeha hunera rojane a Cengiz Tekinê ku li Amedê xebatên xwe dimeşîne a bi navê ‘Qaşo Portreya Hunermend’ kir. Cengîz Tekîn ji bilî xebatên fotografkêşîyê di warê vîdeo û performansê de jî berheman hildiberîne û di xebatên xwe de li ser rewşa gîyan û bedenê a piştî travmayê hûr dibe û bi nêzîkbûneke rexneyî dîmenan, sêwirînan û îronîyan saz dike. Di xebatên wî de ku referansên mîzahî û pratîkên jîyana “Netomarkirî” û hunerê tîne ba hev, dîmenên ku meriv kare bibêje absurd û dûrî rastîyê ne derdikevin holê. Piştî destpêkirina pêşangeha ‘Qaşo Portreya Hunermend’ ku ji xebatên fotografkêşîyê ên Tekin pêk hatibû, bi Cengiz Tekin û kurator Şener Özmen re li ser pêşangehê gotûbêjek jî hat lidarxistin.
