Bi hevparîya Navenda Hunerê a Amedê û Weqfa Winternachtenê û hevkarîya Weşanxaneya Lîsê Rojên Wêjeyê ên Navneteweyî ku ji çend welatan nûnerên wêjeya cîhanê anîn ba hev, di navbera 5-7’ê Sermaweza 2009’an de li mekanên cuda ên bajêr hat lidarxistin. Rojên Wêjeyê ên Navneteweyî ku wekî lingekî Mihricana Wêjêyê a Navneteweyî a Winternachten (Şevên Zivistanê) ku her sal li bajarê Laheyê tê sazkirin, hem ji bo pevgihandina çand û wêjeyên cuda hem jî ji bo nivîskarên ji welatên curcecur hatibûn û nivîskarên Kurd ên li Amedê werin ba hev qadeke ezmûnî a girîng pêşkêş kir.
Di rojên wêjeyê ku gelekî bal kişand de, di serî de nîqaş li ser mijarên wekî şopên ji kevneşopîya wêjeya li derveyî a rojava, li Rojhilata Navîn pozîsyona zimanî û wêjeyî a Kurdî û têkilîya wêjeya Mezopotamya û Rojhilata Navîn a bi ol û mîtolojîyê re, hatin kirin. Helbestvanên ji Başûrê Efrîkayê û ên Kurd li Navenda Hunerê a Amedê hatin ba hev û helbestên ku bahsa girîngîya aşîtî, azadî û jîyana bi hev re dikirin, xwendin. Roja dawîyê di çalakîya xwendinê a li Sümerparkê hat lidarxistin de, ji welat û çandên curbecur 50 hunermend, nivîskar û helbestkar ji bo ku hin beşan ji romana Erebê Şemo a bi navê Şivanê Kurmanca ku romana bi Kurdî a yekemîn e, bixwînin derketin pêşberî beşdaran. Her wiha dengbêjên Navenda Çandê a Dîcle-Firatê û Koma Muzîkê a KESK’ê jî tevî çalakîya ku bi hevkarî û tevkarîya Şaredarîya Bajarê Mezin a Amedê û Serkonsolosxaneya Holandayê a li Stenbolê hatibû amadekirin, bûn.