Rojên Wêjeya Berawirdî yên Amedê yên Duyan ku bi hevkarîya Weşanên Lîs û Navenda Hunerê ya Amedê (NHA) cara pêşî 2013’an de li dar ketibû, bo cara duyem di 11-12’ê Cotmeha 2018’an de li dar ket. Rojên Wêjeya Berawirdî ku ji alî Enstîtuya Goetheyê, Serbalyozxaneya Hollandayê, Serbalyozxaneya Swêdê û Navenda Çanda Fransiz ve û bi hevkarîya Çanda Anadoluyê û Weqfa Çand û Hunerê ya Stenbolê li dar dikeve û di çarçoveya Qad bo Çandê de tê piştgirîkirin, bi kargeh, gotûbêj û xwendinên ku di çarçoveya pirzimanî de hatin amadekirin, bi bernameyeke berfireh xwe gihand xwîneran. Bernameya ku Berken Bereh tê de mêvanê rûmetê bû, nivîskar, helbestkar û wergêrên hêja yên ji Amedê, ji bajarên derdora Amedê, ji Tirkîyeyê, Ermenistanê û Ewropayê, bi rêya çalakîyên ku li Amedê, li Mêrdînê û li Batmanê hatin kirin, bi xwîneran re hatin cem hev.

12’ê Cotmeha 2018’an êvara roja înê, bernameya destpêkê li Odeya Sanayî û Bazirganan ya Amedê li dar ket. Bernameyê piştî axaftinên destpêkê yên li ser navê Lîs û NHAyê hatin kirin, bi axaftina Mıgırdıç Margosyan ku rojbûna wî ya 80’yan dihat pîrozkirin, domand. Fîlmeke belgeyî ya li ser mêvanê şeva destpêkê helbestkar Mirazê Cemal hat temaşekirin ku yek ji nivîskarên rojnameya Rya Teze ye ku li Ermenistanê weşîyaye. Şeva destpêkê bi axaftina Mirazê Cemal bi dawî bû. Bername bi temamî deh roj domandin û ji wêjeya zarokan û ciwanan heta bi zayenda civakî, ji wêjeya Ermenîkî heta bi gengeşîyên li ser biwara hebûnê ya Rumkî, ji pêwendîya wêje û sînemayê heta bi temaya keda di wêjeyê de, ji xwendinên Kurdî yên berawirdî yên dîwanên klasîk heta bi parvekirinên xebatên akademîk, bernameyeke berfireh derpêşî xwîneran hati kirin. Bername, 21’ê Cotmehê êvara roja yekşemê, bi axaftina dawîlêanînê ya Berken Bereh bi dawî bû.

Bernameya sala 2018’an ya Rojên Wêjeya Berawirdî yên Amedê, bi hevkarîya Weşanên Aras, Klûba Xwendinê ya Amedê, Weşanên Ayrıntı, Weşanên İstos, Kovara Ewro, Kovara Dilop, Weşanên Hîva, Weşanên Morî, KurdîLit, Şanoya Bajêr ya Amedê û bi tevkarîya Weqfa Hrant Dink, Odeya Sanayî û Bazirganîyê ya Amedê, Eğitim-Sen a Amedê Şaxa yekem, Kastal Cafe, Mala Hunerê ya Tov ya Batmanê û Leylan Cafe ya Mêrdînê li dar ket.

Rojên Wêjeya Berawirdî Yên Amedê Yên Duyan Pirtûkçe